masukkan script iklan disini
Mangga kita tansah ningkataken anggen kita sami taqwa dumateng
Allah saben dintenipun kranten kanthi taqwa kita sedaya saged manggeh
keselametan dunya akhirat, sakderengipun bahas Surat al-Maidah
ayat 51 mangga sekedhap kita ngemut-emut kedadosan ingkang akhir-akhir
punika saweg panas inggih perkara salah satunggaling pejabat ingkang
nggunakaken ayat
51 Surat Al Maidah padahal tiyang kasebat sanes Muslim, tiyang punika
seolah-olah badhe nggugat ayat al-Qur’an padahal ayat al-Qur’an punika sampun
tumurun atusan tahun kapengker.
Khutbah Jumat Bahasa Jawa
"Surat Al Maidah Ayat 51 Sanes Perkara Enggal"
Panulis : Abi Ahya
Kedadosan punika ngemutaken kita dening kisah
nalikaning Rasulullah wafat, Umar khutbah kanthi lantang negesaken bilih Nabi
Muhammad boten wafat, ananging sowan wonten panggilanipun Rabb kados ingkang
kedadosan dening panjenenganipun Nabi Musa ‘alaihissalam. Mireng perkara punika
Abu Bakar langsung nuweni jenazah Nabi Shalallahu ‘alaihi wassalam saperlu
negesaken kondisinipun, mangertosi keadaan bilih Rasulullah saestu sampun
wafat, Abu Bakar jengkar dumugi dateng ing umat ingkang wonten panggenan punika
wonten Umar bin Khathab lajeng Abu Bakar ngendika : “Sopo wonge nyembah Nabi Muhammad Sholallahu ‘alaihi wassalam, gatekno
Muhammad wis mati, lan sopo wonge nyembah Allah, Saktemene Allah Maha Gesang
lan ora bakal mati”.
Saklajengipun
Abu Bakar ngutip firman Allah wonten Al-Qur’an Surat Ali Imran:144 ingkang
artosipun :
Muhammad
iku ora liya mung Rasul, saktemene wis ana pira-pira Rasul sakdurunge, kapan
Muhammad mati utawa dipateni, apa kowe kabeh bakal murtad? Sapa wonge kang
murtad, wong iku ora bakal ngrugeni Allah lan Allah barang paring balasan
marang wong-wong kang syukur (Terjemah QS. Ali Imrah : 144 Bahasa Jawa).
Ibnu Abbas
paring komentar dumateng perkara punika, “Demi Allah kaya-kaya masyarakat
durung tau weruh yen Allah wus nurunake ayat iki sahingga diwaca dening Abu
Bakar, lan disebut-sebut dening wong-wong akeh. Saben-saben ketemu wong mesti
wong iku maca ayat iki (ar Rahiq al Makhtum, hlm. 432 terjemahan Bahasa Jawa).
http://kumpulankhutbahbahasajawa.blogspot.com/2016/11/khutbah-jumat-bahasa-jawa-surat-al.html
